Një nga arsyet kryesore se përse BE nuk hap negociatat me Shqipërinë, është trafiku i drogës, kështu është shprehur PD-ja, nëpërmjët deputetit Enkelejd Alibeaj
Nga selia blu, Alibeaj citoi një raport me shifra të Europolit, që e radhiste Shqipërinë si burimin kryesor të kanabist në Europë dhe nënvizoi se “rruga e Shqipërisë për në BE kalon vetëm përmes nxjerrjes para ligjit të Tahirit, Dakos, Sejdinit, Balilajve…”
“Raporti thotë se tregu i drogës në BE, – tha Alibeaj, – është 24 miliardë euro dhe se Shqipëria është burimi kryesor i kanabisit dhe pastrimi i parave nga trafiku i drogës është rritur.
Raporti konfirmon se nuk është opozita ajo që po ia nxin faqen vendit, por qeveria që po përfiton nga trafiku i drogës.
Shqipëria është burim kryesor i drogës sepse ky ishte dhe vazhdon të jetë prioritet i Kryeministrit. Shqipëria mund të ishte një vend anëtar i NATO-s, që po negocionon edhe për anëtar i BE, por jo! Se droga vazhdon të jetë prioritet i drogës. Paratë e drogës duhen pastruar për të financuar blerjet e reja të poltikanëve dhe votës.
Droga është arsyeja që Shqipërisë i mohohet prej tre vitesh hapja e negociatave. Të huajt e thonë fare qartë se nuk do t’i hapin negociatat nëse nuk nxirren të paprekshmit para ligjit. Rruga e Shqipërisë për në BE kalon vetëm përmes nxjerrjes para ligjit të Tahirit, Dakos, Sejdinit, Balilajve…”